Subscribe:
'

BIG BOSS ஐ நேரில் பார்த்திருக்கிறீர்களா

பிக் பொஸ்   அதிகப் பேரால் உலகம் முழுவதும் பார்க்கப்படும் நிகழ்ச்சி. 

இந்தியாவில் Big Boss  என்ற பெயரில் ஒளிபரப்பானாலும் வெளிநாடுகளில் Big Brother  ஆகவே ஒளிபரப்பாகிறது. 

தமிழில் Big Boss  நான்கு நிகழ்ச்சிகள் கடந்து விட்டது. திரை நடிகர்களை விட அதிக புகழையும் பலர் அறியும் வண்ணமும் போட்டியாளர்கள் ஒவ்வொரு இரசிகர்களுக்கும் தெரியப்படுத்தப்படுவதால் பலரும் இந்தப்போட்டியில் கலந்துகொள்ள ஆர்வம் காட்டுகிறார்கள். 

இந் நிகழ்ச்சியில் முக்கிய பாத்திரம் Big Boss குரல்.     முகம் காட்டாது போட்டியாளர்களுக்கு விதி முறைகளை அறிவிப்பதாயினும் சரி அவர்களோடு அளவளாவினாலும் சரி அந்தக் குரல் மட்டுமே போடடியாளர்களின் கனவுக் குரல். 


போட்டி நிறைவடையும்போது உங்களிடமிருந்து குரல் வழியாக விடைபெறுகிறேன் என்று கூறி பார்ப்பேரையும் கலங்க வைக்கும் அந்தக் குரல். 

தமிழ் Big Boss  நிகழ்ச்சியில் அந்தக் குரலுக்குச் சொந்தக்காரர் யார் என்பது பலராலும் தேடப்பட்டுவந்த நிலையில் அவர் குரலில் வெளியான வீடியோ அவரை வெளியுலகிற்குக் காட்டியுள்ளது. இதோ அந்த Big Boss குரல் நாயகன்.



அவர் தமிழராகவிருந்தாலும் Bollywood திரைப்படங்களில் நடித்து வருகிறார். அத்துடன் அவர் எட்டிற்கும் மேற்பட்ட மொழிகளில் பாடகராகவும் இருக்கிறார் என்பது கூடுதல் செய்தி. 

Sasho என்று அறியப்படும் சதீஷ் சாரதிதான்  தமிழ்  Big Boss குரலுக்குச் சொந்தக்காரர்.    




 


TD வங்கி வாடிக்கையாளர்களே உங்கள் கவனத்திற்கு.

 கனடாவில் TD வங்கி வாடிக்கையாளர்கள் இலக்குவைக்கப்படும் புதிய வஞ்சித்தல் முயற்சி குறித்த செய்தி வெளியாகியுள்ளது. 

கனடாவின் பல மாகாணங்களிலுள்ள பொதுமக்களின் TD வங்கிக் கணக்கிலிருந்து வஞ்சகமான முறையில் பணம் திருடப்படுவதாகச் சொல்லப்படும் குற்றச்சாட்டுகள் குறித்து TD வங்கியும் DOORDASH நிறுவனமும், விசாரணைகள ஆரம்பித்துள்ளன. 

DOORDASH நிறுவனம் உணவு விநியோக நடவடிக்கைகளில் கொடிகட்டிப் பறக்கும் நிலையில் அதன்பேரில் இந்த வஞ்சனை நடைபெற்றுவருகிறது.  இதில் கவனிக்கத்தக்கவேண்டிய விடயம் இதுவரை DOORDASH  சேவைகளைப் பயன்படுத்தாத பலரின் வங்கிக் கணக்கிலிருந்து பணம் களவாடப்பட்டுள்ளமை தெரியவந்துள்ளது. எனவே உங்கள் வங்கிக் கணக்கில் நடைபெற்றுள்ள பணப் பரிமாற்றங்களை அவதானமாகப் பரிசோதிக்க வேண்டும். குறிப்பாக TD வங்கி கணக்குவைத்திருப்போர் தங்கள் கணக்குகளில் இடம்பற்றுள்ள சந்தேகத்துக்குரிய பண மீளப்பெறல்கள் பற்றி கவனிக்கவேண்டியுள்ளது. 

இதுவரை TD வங்கியோ DOORDASH  நிறுவனமோ இந்தக் குற்றம்  எவ்வாறு நடந்தது என்பது குறித்துக் கருத்து வெளியிடவில்லை. 

இதேநேரம் அமெரிக்காவில் பல்வேறு வங்கிகளின் வாடிக்கையாளர்கள் இதுபோன்ற வஞ்சனைக்கு முகம் கொடுத்துள்ளனர்.  பாதிக்கப்பட்டவர்களுக்கு வங்கியால் பணம் மீளளிக்கப்பட்டுள்ளதாயினும் அதற்குச் சில வாரங்கள் எடுத்ததாக வாடிக்கையாளர்கள் தெரிவிக்கின்றனர். 

கனடாவில் இதுவரை TD வங்கி வங்கி வாடிக்கையாளர்கள் மட்டுமே பாதிக்கப்பட்டுள்ளதாக அடையாளம் காணப்பட்டுள்ளது. கனடாவில் TD வங்கி ஒரு கோடியே 35 இலட்சத்திற்கும் அதிகமான வாடிக்கையாளர்களைக் கொண்டிருக்கிறது. 

தற்போதுள்ள DEBIT CARD  அட்டைகள் வெறுமனே வங்கி நடவடிக்கைகள் மட்டுமன்றி இணையவழிப் பொருட் கொள்வனவுகளுக்கும் பயன்படுத்த முடியும் என்பதாலேயே இந்தத் திருட்டுக்கு வழியேற்பட்டுள்ளது. 

உங்களது வங்கியால் வழங்கப்படும்  DEBIT CARD அட்டைகள் இணைய வழிப் பொருட்கொள்வனவுக்கு உடன்படவேண்டுமா இல்லையா என்பதை நீங்களே முடிவு செய்யும் வசதிகளை வங்கி வழங்குகிறது. எனவே உங்கள் வங்கிக் கணக்கு வஞ்சகர் வலைக்குள் சிக்காதிருக்க  வங்கியுடன் தொடர்பு கொண்டு உங்கள் விருப்பத்தேர்வை உறுதிப்படுத்தலாம். 







கனடாவில் அழகிய கஞ்சாக் கடை

 சந்து பொந்துக்குள் நுழைந்து  சென்று மூக்கைப் பொத்தவைக்கும் இடம் ஒன்றில் அறிமுகமில்லாத ஒருவரிடம் பணத்தைக் கொடுத்து அவர் தருவதைப் பெற்றுச் செல்லும் த்ரில் நிறைந்த கஞ்சா வாங்கும் வழக்கம் மலையேறிவருகிறது. 

ஒரு அப்பிள் போன் வாங்குவதுபோல அழகான விற்பனை நிலையத்தில் உத்தரவாதத்துடனும் அரச அங்கீகாரத்துடனும் கஞ்சா வாங்கலாம் கனடாவில். 


கடந்த 2017 ஆம் ஆண்டு கனடாவில் கஞ்சா விற்பதை அனுமதிக்கும் சட்டம் கொண்டுவரப்பட்டது. 2018  ஜூன் மாதம் தொடக்கம் கனடாவின் அனைத்துப் பகுதிகளிலும் அனுமதிபெற்ற முகவர்கள் கஞ்சா விற்கமுடியும் என அறிவிக்கப்பட்டது. 








இதனைத் தொடர்ந்து ஆர்வத்துடன் பலர் இந்த விற்பனை நிலையங்களை ஆரம்பிக்க விண்ணப்பித்திருந்தனர். கனடாவின் பிரபலமான வர்த்தகத் தலை நகர் டொரண்டோ அமைந்துள்ள ஒண்டாரியோ மாகாணம் முதற் கட்டமாக குலுக்கல் முறையில் 25 பேரைத் தெரிவு செய்து அவர்கள் கடைகளை ஆரம்பிக்க அனுமதியளித்தது. 


வழங்கப்பட்ட காலக் கெடுவுக்குள் கடைகளை ஆரம்பிக்க முடியாமல் போன வர்த்தகர்களுக்கு அபராதம் விதிக்கப்பட்டது தனிக் கதை.



தற்போதைய காலகட்டத்தில் பெருகிவரும் கஞ்சா விற்பனை நிலையங்கள் மெருகூட்டப்பட்ட வடிவமைப்பில் வாடிக்கையாளரைக் கவரும் வண்ணம் அமைக்கப்பட்டுள்ளன. அதில் ஒன்று டொரண்டோவில் அமைந்துள்ள அழகிய கஞ்சாக் கூடம் இங்கு நீங்கள் படத்தில் காண்பது.


டொரண்டோ அருகே கிறிஸ்மஸ் அலங்காரங்கள்.

கனடாவின் டொரண்டோ நகர மத்தியிலிருந்து ஒரு மணி நேரப் பயணத்தில் பார்க்கக் கூடிய அற்புதமான கிறிஸ்மஸ் அலங்காரங்களை உங்களுக்கு அறிமுகப்படுத்துகிறோம்.

Weesh Pacheco என்பவர் தனது வீட்டில் அமைத்துள்ள சிற்றளவான அலங்கார வடிவங்கள் பார்ப்பவர்களை வெகுவாகக் கவர்ந்து வருகிறது.  குறிப்பாகச் சிறுவர்கள் விரும்பும் வகையான அலங்காரங்கள் காட்சிப்படுத்தப்பட்டுள்ளன. 

Old Thornhill இல்  John Street  இல் அமைக்கப்பட்டுள்ள இந்த அலங்காரங்களுக்குக் கட்டணம் எதுவும் அறவிடப்படுவதில்லை.  செவி வழியே இதுபற்றி அறிந்தோர் இங்கு கூடுவதால் அந்தப் பகுதி புகழ் பெற்றதனாலோ என்னவோ தனது வீட்டு முகவரியை வெளியிட அவர் விரும்பவில்லை. உங்களுக்காகச் சில வீடியோக் காட்சிகளை இணைத்திருக்கிறோம். பார்த்து மகிழுங்கள். 

மூளை உண்ணி உயிரினம் - உலகிற்கான மற்றுமொரு அச்சுறுத்தல்.

 2020 ஆம் வருடம் கொரோனா வைரஸ் காரணமாக மட்டும் பாதிக்கப்பட்டதாக முடியப்போவதில்லை என்பதைப் புதிதாக வெளிவரும் செய்திகள் சொல்கின்றன. 

மூளை உண்ணும் அமீபா (Naegleria fowleri ) குறித்த செய்திகளும் அதிகமாக வெளிவர ஆரம்பித்துள்ளன. 

இது புதிய செய்தி அல்ல. கடந்த 10 ஆண்டுகளாக இந்த அமீபா குறித்த செய்திகள் இருந்துவந்தாலும் அண்மைக் காலமாக அமெரிக்காவின் மத்திய பகுதிகளில் ஆரம்பித்து  தற்போது அமெரிக்காவின் வடக்குப் பகுதிகளில் பரவவும் ஆரம்பித்துள்ளது என்று அறிவியலாளர்கள் தெரிவிக்கின்றனர். 

அந்தார்ட்டிக்காக் கண்டத்தைத் தவிர உலகின் அனைத்துக் கண்டங்களிலும் இந்த அமீபா கண்டுபிடிக்கப்பட்டுள்ளது. 


இது சுயமாக வாழக் கூடிய உயிரினம்.  நீர் நிலைகள் சுடுநீர் குளங்கள், தொழிற்சாலைக் கழிவு நீர், சுடுநீர் கருவிகள், நீச்சல் குளங்கள் மற்றும் மணல் போன்றவற்றில் அதிகமாக் காணப்படலாம்.  உலக வெப்ப மயமாதலின் மற்றுமொரு பெரும் பாதிப்பாக இந்த அமீபாப் பரவல் மாறலாம். 46 பாகை செல்சியஸ் வெப்பம்வரையான சூழலில்  இது வாழக் கூடியது.   இந்த அமீபா அடங்கிய குடிநீரை உட்கொள்வதால் நீங்கள் பாதிக்கப்படப்போவதில்லை ஆனால் அது உங்கள் மூக்கு வழியாகச் சென்றால் மூளைவரை சென்று தாக்கக் கூடியது. 

மூளைக் கலங்களை உண்ண ஆரம்பித்து மூளையை வீங்கச் செய்கிறது அதுவே மனிதரைக் கொல்லும் அளவிற்கு மாறுகிறது.  


இதனால் நீங்கள் பாதிக்கப்பட்டதாக எப்படி உணர்வது? 

அமெரிக்கத் தொற்று நோய்த் தடுப்புப் பிரிவு இந்நோய் அறிகுறிகள் குறித்த வியடங்களை வெளியிட்டுள்ளது. 

தொற்று ஏற்பட்டதும்

  • தலைச் சுற்று 
  • காய்ச்சல் 
  • மயக்கம் 
  • வாந்தி     போன்ற பாதிப்புகள் இருக்கும் . 


பாதிப்பு அதிகமாகும்போது 

  • கழுத்துப் பிடிப்பு 
  • ஒளிக் கூச்சம்
  • தடுமாற்றம்
  • மாய நிலைத் தோற்றம்
  • வலிப்பு போன்றவை ஏற்படும். 


கடந்த 10 ஆண்டுகளில் அமெரிக்காவில் 34 தொற்றுகள் குறித்து அறிவிக்கப்பட்டுள்ளது. 

இந்த அமீபாத் தாக்கம் காரணமாக  இந்தியாவில் 12 வயதுள்ள  சிறுவன் 2020 ஆம்  ஆண்டு கொல்லப்பட்டதுடன் கேரளாவைச் சேர்ந்த 10 வயதுச் சிறுவன் கடந்த 2019 ஆம் ஆண்டு கொல்லப்பட்டமையும் குறிப்பிடத் தக்கது. 

பொதுமக்கள் நீரைக் கொதிக்கவைத்துக் குடிக்குமாறு அறிவித்தல் விடுக்கப்பட்டுள்மை குறிப்பிடத் தக்கது. 

எட்டுப்பேரப் பிள்ளைகளைக்கண்ட பிரித்தானியப் பெண் தனது 50 ஆவது வயதில் 4 பிள்ளைகளைப் பெறப்போகிறார்.

பிரித்தானியாவில் வாழும் பெண் தனது 50 ஆவது வயதில் ஒரே பிரசவத்தில் 4 பிள்ளைகளைப் பெறப்போகும் முதல் பெண் என்ற பெருமையைப் பெறப்போகிறார்.

ஏற்கனவே 3 பிள்ளைகளுக்குத்தாயான இவர் அவர்கள் மூலம் பிறந்த 8 பேரப்பிள்ளைகளைக் கண்டுள்ளார். 




Tracey Britten என்ற பெண் IVF எனப்படும் செயற்கைக் கருத்தரித்தல் மூலம் தனது இரண்டாவது கணவரின் விந்தைக் கொண்டு நான்கு குழந்தைகளைப் பெறவுள்ளார்.

இவரின் இந்த முயற்சி சாத்தியமற்றது என மருத்துவர்கள் முதலில் கூறியிருந்தனர். 


ஆனால் கரு முட்டைகள் 4 ஐக் கொண்டு இவர் ஒத்த இரட்டையர்களாக இரு பெண் குழந்தைகள்  மற்றும் ஒரு ஆண் குழந்தை ஒரு பெண்  குழந்தை  என மொத்தமாக நான்கு குழந்தைகள் கருவாகியுள்ளன. 

மருத்துவர்கள்  28 வாரங்கள் கூட அவை நீடிக்காது எனப் பின்னர் தெரிவித்தாலும் தற்போது இப்பெண் தனது 30 ஆவது வாரக் கருவைச் சுமக்கின்றார்.
2018 நவம்பர் மாத முற்பகுதியில் இவருக்கு அறுவைச் சிகிச்சை மூலம் குழந்தைகள் கிடைக்கவுள்ளன.

தற்போது வாராவாரம் அவருக்கான கண்காணிப்புக்கள் செய்யப்படுகின்றன.



தற்போது 


இரு சக்கரங்களில் கண்டங்களைக் கடந்த ஒரு காதல் பயணம்

என்றும் இறவாத வரம் பெற்ற காதலுக்கு மற்றுமொரு எடுத்துக் காட்டு Pradyumna Kumar Mahanandia மற்றும் Charlotte Von Schedvin ஆகியோரின் காதல்.
6 000 மைல்களைக் கடந்து தனது காதலியைக் காண்பதற்காக தனது கையிலிருந்த சிறிதளவு பணத்தைக் கொண்டு ஒரு பழைய சைக்கிளை வாங்கி இந்தியாவின் டில்லியிலிருந்து கண்டங்களைக் கடந்து சுவீடனிற்குச் சென்றிருக்கிறார்.
இந்தியாவின் ஒடிசா மாநிலத்தின் குக்கிராமத்தில் 1949 ஆம் ஆண்டு நெசவாளர் குடும்பத்தில் பிறந்த P.K. Mahanandia என்றழைக்கப்படும் குமார் டில்லியிலுள்ள வரைகலைக் கல்லூரியில் பயின்று ஒரு கை தேர்ந்த ஓவியராக  வெளியேறினார். 

அதனைத் தொடர்ந்து  படங்களை வரையும்  வீதிக் கலைஞராகக் குமார் மாறினார். 

குமார் பிறந்தபோது அவரது ஜாதகத்தைக் கணித்த சோதிடர் இவன் பெரியவனாகி தூரதேசத்தில் பிறந்த இசைக் கலைஞரைத்தான் திருமணம் செய்வான் என்றிருக்கிறார்.

அதையே தன் மனதில் எப்போதும் ஆழமாகப் பதித்து வந்துள்ளார் குமார். இது இவ்வாறிருக்க இங்கிலாந்தில் கல்வி கற்றுக் கொண்டிருந்த Charlotte அங்கிருந்து ஒரு வாகனத்தில் இந்தியாவுக்கு 22 நாள் பயணத்தை மேற்கொண்டு 1975 ஆம் ஆண்டு டிசம்பர் 17 ஆம் திகதி இந்தியாவுக்குச் சென்றார். Charlotte குமாரினுடைய ஓவியத் திறமையைக் கண்டு வியந்து தன்னையும் வரையுமாறு கேட்டுள்ளார். 
அப்போது 19 வயதேயான Charlotte இனுடைய அழகைக் கண்டு மயங்கிய குமார் அப்பெண்ணின் நீலக்கண்களில் தன் மனதைப் பறிகொடுத்தார். இந்த நிலையில் யாயரால்தான் மனதைக் கட்டுப்படுத்தி ஓவியத்தை வரைய முடியும்?
 
 என்னால் சரியாக வரைய முடியவில்லை  இன்று போய் நாளை வா என்ற தோரணையில் மீண்டும் மீண்டும் அழைத்திருக்கிறார்.

மூன்று தடவைகள் இவரைக் காண Charlotte உம் வந்திருக்கிறார். குமாரும் மூன்று ஓவியங்களை வரைந்து முடித்தார். பார்த்த இரண்டாவது சந்திப்பிலேயே எனக்கானவள் நீதான் என்று மதராசப்பட்டினக் காதல் கதையைத் திறந்திருக்கிறார்.

ஓவியரின் காதலில் கலந்து மயங்கிய Charlotte உம் அதற்குச் சம்மதம் சொல்லிவிட்டார். சோதிடர் சொன்னதுபோல Charlotte உம் ஒரு புல்லாங்குழல் கலைஞர் என்பதும் ஒரு சிறப்பு.

இரண்டு மூன்று வாரங்கள் ஒன்றாகவே சுற்றித் திரிந்த காதலில் ஒரு பிரிவு.

Charlotte தனது நாட்டிற்குச் செல்லவேண்டிய நிலை. தன்னுடன்  குமாரை வருமாறு கேட்டார். ஆனாலும் தனது சொந்த முயற்சியால் அவளைக் காண வருவேன் என்று தெரிவித்தார். 
ஆனாலும் அதற்கான பணம் அவரிடத்தில் இருக்கவில்லை. சுவீடனுக்குச்  சென்ற Charlotte குமாருடன் கடிதத் தொடர்பில் இருந்திருக்கிறார். 1977 ஆம் ஆண்டு கையிலிருந்த சிறிதளவு பணத்தைக் கொண்டு பழைய சைக்கிளை வாங்கி டில்லியிலிருந்து சுவீடனுக்குப் பணயமானார் குமார்.  கடும் சவாலாக அமைந்த 6 000 மைல்கள் (கிட்டத்தட்ட 10 000 கிலோமீட்டர்கள்) பயணத்தின் முடிவில் 4 மாதங்கள் 22 நாட்களின் பின் தனது காதலியைச் சந்தித்தார்.

தற்போது இந்த இணை 40 ஆண்டுகளாகத் திருமண பந்தத்தில் இணைந்திருக்கிறார்கள். 

இவர்களுக்கு இரண்டு பிள்ளைகள் இருக்கிறார்கள்.
குமார் தற்போது ஒரு வரைகலைஞராகச் சுவீடனில் பணிபுரிவதோடு அரசாங்கத்தின் கலை மற்றும் பண்பாட்டுப் பிரிவின் ஆலோசகராகப் பணிபுரிகிறார்.
இந்தக் காதல் இணைக்கு எங்கள் நல் வாழ்த்துக்கள்.